Անկասկած, բոլոր երեխաները տարբեր են, եւ յուրաքանչյուր երեխա ունի իր սեփական ճանապարհը, այնուամենայնիվ, յուրաքանչյուր տարիքային խումբ ունի զարգացման ընդհանուր միտումներ, այդ միտումներով էլ մենք առաջնորդվում ենք մեր ամենօրյա աշխատանքում: 

Յուրաքանչյուր տարիքում անհրաժեշտ է երեխայի առաջ դնել հենց իրեն անհրաժեշտ խնդիրներ և առաջարկել դրանց հաղթահարելու ճանապարհ, միևնույն ժամանակ խրախուսելով երեխային բացահայտելու իր մեջ նոր որակներ, կարողություններ և հմտություններ։ Սա ասելով, նկատի ունենք, որ զարգացնող խմբային աշխատանքում յուրաքանչյուր երեխա կատարում է իր անհատականությանն ու հմտություններին համապատասխան աշխատանք։ 

ՄԵՐ ՆՊԱՏԱԿՆԵՐՆ ԵՆ

• նպաստել երեխայի անհատականության համակողմանի զարգացմանը 

նպաստել կյանքի հմտությունների եւ դրական արժեքների ձեռք բերմանն ու զարգացմանը:  Հասուն տարիքում առողջ, ստեղծագործ եւ լիարժեք կյանքի հիմք դնել, որպեսզի երեխաները առավելագույնս զարգացնեն իրենց ներուժը, 

• • Ֆիզիկական բարեկեցությունը  առողջությունը եւ սեփական մարմնի ընկալումն ու շարժողության/շարժունակության զարգացումը տարածության մեջ
• Անձնային, սոցիալական եւ հուզակամային զարգացումը
• •ստեղծագործական մտքի եւ գեղագիտական զարգացումը 
• խոսքի, հաղորդակցության հմտությունների եւ գրագիտության զարգացում
• ճանաչողական ոլորտի զարգացում 
• շրջակա միջավայրի գիտակցում, 
• բնագիտական հմտությունների զարգացում,
• մաթեմատիկական մտածողության զարգացում
• նախապատրաստել երեխայի սահուն ադապտացիան նախակրթարանից՝ կյանքի մինի մոդելից դեպի դպրոցի՝ հասուն կյանքի առաջին փուլ

Ինդիգամիի այլընտրանքային կրթական ծրագիրը իրականացվում է այնպես, որ յուրաքանչյուր երեխա այն յուրացնի իր զարգացման տարբեր հնարավորություններով եւ անհատական ​​տեմպով եւ ապահովում է, որ բոլոր երեխաները զարգանան ֆիզիկապես, սոցիալապես, հուզական, բարոյական եւ մտավոր իրենց լիարժեք ներուժով: 

Մեր այլընտրանքային կրթական ծրագրերի և մեթոդների հիմքում ընկած են երեխաների  իմացական, հարղորդակցման և ինքնակարգավորման կարողությունների, զգայական ընկալումների, շարժողական գործունեության զարգացման անհրաժեշտությունը:
Ուսումնական գործընթացին այսպիսի երեխայակենտրոն մոտեցումը թույլ է տալիս երեխային ինքնաարտահայտվել, պասիվ կրավորականից դառնալ ուսումնական գործընթացի ակտիվ համագործակցողը, ուսուցումը դարձնել խաղային, աննկատ՝ կենդանի և հաճելի։

Նախադպրոցական տարիքի երեխաները իրենց հասակակիցների հետ ձեւավորում են տարբեր սոցիալկան փոխհարաբերություններ և փոխազդեցություններ, որոնք հասու չեն ընտանեկան միջավայրում և հանդիսանում են հասուն կյանքի իրական փախհարաբերությունների կրկնությունը: Նրանք սովորում են սոցիալական վարք եւ ընդունելի վարքագծեր. Հարաբերվելու միջոցով նրանք նաեւ զարգացնում են ուրիշի հույզերի, վարքի, կարծիքի նկատմամբ զգայունություն, էմպատիա և հարգանք,  ինչպես նաեւ բարոյական արժեքներ եւ սոցիալական ընդունելի նորմեր և վարքագծեր:

Դրական վստհելի միջավայրում յուրաքանչյուր երեխայի անձը զարգանում է միայն իրեն բնորոշ ձևով՝ մի կողմից ընդգծելով և արժեվորելով նրա անհատականությունը,  մյուս կողմից ամրապնդելով նրա հասարակությանը պատկանելության զգացումը:

Տարիներ շարունակ նախադպրոցական կրթության մեջ կարևորվել է այն փաստը, որ երեխան պետք է շատ շուտ սովորի կարդալ, գրել և մաթեմատիկական գործողություններ կարտարել, որ սրանք երեք կարևորագույն հմտություններն են՝  երեխայի հետագա գիտական ​​հաջողությունների ապահովման հարցում։

Երեխաներին շատ ավելի հեշտ է սովորել կարդալ / գրել / հաշվել, երբ նրանք հոգեբանորեն և հուզականորեն պատրաստ և զարգացած են, երբ զարգացած են նրանց բարձրագույն իմացական ոլորտի բոլոր բաղադրիչները, ինչպես նաև հուզական ինտելեկտը։ 

Սա նշանակում է, որ երեխան հնարավորինս լիարժեք ապրի իր մանկությունը, և անցնի ուսումնական բոլոր փուլերը երեխայակենտրոն, հաճելի և խաղային միջավայրում, որտեղ կզարգանա հավասարապես երեխայի անձի բոլոր կողմերը:

Սա է այլընտրանքային զարգացնող կրթության էությունը, որը, ի վերջո, նրանց կտանի դեպի իրական հաջողություն ապագայում։

Սկսած վաղ սոցիալիզացիայից և նոր միջավայրում ադապտացիայից մինչև դպրոցին պատրաստվելը երեխաներն անցնում են մեզ մոտ խաղային ուսուցման, ստեղծագործական պոտենցիալի զարգացման և ճանաչողական ոլորտի զարգացման անհատական ճանապարհ։